Skip to main content

Gemremet (gemes)

Wasto garo Daslam lagi numpak sepur Kaligungmas nuju Semarang. biyasa angger nang tengah dalan karcise dipriksa.

"nyong gemremet maring wong sing dikawal satpam loro miki To.. su gweh..."

"sih bisaneng gemremet Lam...??"

"wong kuwe gawe ulah bae To maring nyong... tak titeni sing awit nang Stasiun, gawe enek bae..."

"lah keprimen sih emange...??"

"gyeh To.. mau lagi antri karcis, nyong didomong " mas sabar mas, aja nyereg-nyereg sing nang arep..", lah sing nang arep wong wadon ayu ya nyong nyereg owh.."


"lah kuwe kan salahe kowen Lam dadine didomong owh..."

"iya bener kuwe salahe nyong, tetep nyonge enek..toli kiye To sing nambah gawe nyong enek.. barang wis olih karcis nyong pan manjing nang peron, eh karcise dijaluk terus di urek-ureki pulpen To nang wong kuwe.. lah kiye gawe ulah maning, miki kowen weruh dhewek oya, karcise nyong ditoblosi pulpen, toli disuwek... angger belih dikawal satpam ta tak kantem.. karcis olih ngantri, regane larang, maen di toblosi, disuwek bae... su gweh.."

"hadduh Daslam.. diurek-ureki pulpen maksude ditandani ben olih manjing peron, toli ditoblos karo disuwek kuwe maksude tidandani uga yen kowen kuwe penumpang sing sah, lan suwekane kuwe kanggo data Daslam..."

Comments

Post a Comment

Popular posts from this blog

Belih Dipikir Dipit

Daslam numpak bis maring Pekalongan pan luruh batik kanggo batik jamiyahan. Kerana nang bis suntuk, ahire dheweke ngejak ngobrol garo wong sing jejeran sajok. "mas, pan maring ndi.. oya kenalna arane nyong Daslam, Brebes..."   "pan maring Batang mas.. nyong arane Dirjo mas, Tegal..." "krasa bosen yah mas njagong suwe jebule...?" "iya mas..." "emmmm... daripada bosen kiyeh nyong duwe crita mas, crita kiye soal Polisi... pancen Polisi kuwe..... bla bla bla bla bla... SENSOR...." Daslam crita ngelek-ngelekna Polisi semangat men.
Post a Comment
Read more

Dianggep Homo

Daslam nangis nggerung-nggerung bar balik dolan. Nang dalan ketemu Tarsa. "kowen kenang apa Lam ganing balik-balik tetangisan...??"   "iya kiyeh Sa, nyong bar dikamplengi nang wong... " "sih bisaneng kowen dikamplengi..?? kowen petakilan mesti oya...?" "nyong belih petakilan Sa.." "angger belih petakilan toli apa..?"
Post a Comment
Read more

Ngabuburit

Puasanan angger belih ngabuburit ya rasane kayong kepriben, rada kurang lah pokoke. Apamaning sing padha duwe bojo atawa pacar. Ngabuburit wis padha bae derajate karo kolek. Dibutuhna. "Kowen angger saben sore wayah pan magrib lunga menyang endi sih To, tak samperi nang umah langka bae..??" Daslam nakoni Wasto wektu ketemu nang langgar. "Nyong biyasane angger wayah jam semono maring   bantaran sonyah Lam, nikmati suasana alam pinggir kali.. Ayem, adhem rasane.." jawab Wasto. "Halah kowen ta kaya Kaki Rasnyan sing senenge tetapa, eling To kowen nesih enom, wektune seneng-seneng.. Kowen rugi To angger wulan puasa belih ngabuburit .." "Bisaneng rugi...?"
Post a Comment
Read more